HIPAKAD63.News | BEKASI,-
Latar Belakang Marga Nababan sebelum Tahun 1955
Ia Nababan tubu di tano Tipang di Tuppak Tuhanta ma gabe rarat ma tu Humbang, lam mamopar jala tu toropna ma Nababan dohot boru/bere/Ibebere dung borhat sian tano Tipang ( huta hatubuan ni Omputta Borsak mangatasi Nababan) Taon demi taon sahat tu puluhan taon pomparan ni ompunta Borsak Mangatasi Nababan, Boru/Bere dohot ibebere ndang adong Perkembangan di kemajuan napataridahon goar ni ompunta Borsak Mangatasi Nababan.
Sungkun-sungkun roha dohot pingkiran ni Ompunta Borsak Mangatasi Boru/Bere nang Ibebere hususna na adong di bona pasogit, alani aha hulaning umbahen naso adong sian Pomparanni ompung nami Borsak Mangatasi Boru/Bere dohot Ibebere namarpangkat lumobi namar kedudukan di Pemerintahan, ima tubu di rohani natua-tua nadi bona Pasogit ( Humbang )
Molo di hatoropon ( Hagabeon ) ndang hatandingan, alai molo di bandingkon tu pomparan ni haha anggi natolui ima : Silaban, Lumban Toruan, Hutasoit di bidang pendidikan, nang angka namarpangkat, nungga ketinggalan hita Pomparan ni Borsak Mangatasi Nababan,Boru- Bere dang Ibebere.
Disada tingki berketepatan onan ma di Siborong-borong (Onan Parsingguran ), ima tepat di ari Selasa, kira-kira awal bulan Maret 1955, piga-piga halak penatua keluarga Nababan kebetulan Pajumpang di partiga-tigaan ( TOKO ) Amang St Theophulus Nababan (Partiga-tiga keperluan Pertanian: Pupuk, bibit dohot angka naasing dope ) di pagoar-goar mai SIJABU-JABU. Rap dohot Mantari Petrus Nababan (Mantari di Rumah Sakit Butar dan toko Obat Sampuran Siborongborong), Kampung Salmon Nababan (Kepala kampung Lumban tonga-tonga) dohot na asing nai dope.
Ditaringoti nasida ditingki i taringot tu angka pertanian, usaha-usaha, kekeluargaan dohot kemajuan-kemajuan.Termasuk ma kemajuan-kemajuan di popparan ni marga Nababan ditingki i.
Tung malungun do rohani halaki marningot parngoluon ni popparan ni Nababan di BONA PASOGIT, loja karejo arian nang borngin alai tong pogos, dibandingkon dohot haha anggi sian Toga Sihombing.
Aha do usaha na laho sibahenon asa muba parngoluon ni pomparan ni borsak Mangatasi on, asa Keturunan Borsak Mangatasi boi mangihutton haha anggi dan marga-marga na asing.
Taringot: HAMAJUON. Marga Silaban : Seorang Arsitek, F. Silaban ima namambahen Gambar ni Mesjid Istiqal Jakarta dohot angka naasing.
Marga Lumban Toruan : dr F Sihombing, Ds.T.S. Sihombing, Bupati Julianus Sihombing,
Marga Hutasoit : Eporus Pdt Dr,Justin Sihombing Hutasoit, Sekretaris Jenderal Dep Pendidikan dan Kebudayaan, Marxinius Hutasoit.
Baca Juga : Partangiangan 13 Oktober Borsak Mangatasi Nababan/Boru/Bere Berjalan Sukses dan Penuh Sukacita
Marga Nababan dang adong dope keturunan namarpangkat na timbo songon na di dapot haha – anggi naung tabereng di ginjang.Paling ma na adong di pomparan Nababan di tikki i, Pdt Markadim Nababan, Perawat/bidan, Nahum Nababan, Petrus Nababan, Nursia br Nababan, piga-piga lulusan Sekolah Guru (Kweekschool solo),Ima Gr Jonathan L Nababan dohot Gr Partabas W.J Nababan: Schoolopziener/Penilik sekolah Toga mulia Sihombing, beberapa orang Lulusan Guru yaitu : Gr Partabas, W.J Nababan , Gr Abidan Nababan dohot Gr Asta Nababan. Jala na kuliah Atihai Mahasiswa Sekolah Tinggi Theologia di Jakarta ima Sori Tua A.E. Nababan dohot Soaduon Nababan: sahalak sikkolah Pendeta di Pematang Siantar ima Ninggor Jati Nababan, dohot sahalak mahasiswa di PTPG di Bandung, ima Willem Nababan.
HATOROPON/HAGABEON : Molo taringot tu hagabeon dohot hatoropon nungga be nian lumayan alai dang dope songon na asing.
HASADAON : Dang adong hasadaon, holan parbadaan do namasa. Baik di tongani keluarga songoni nang di lingkungan, bahkan sampai dimeja hijau/Pengadilan.
HAMORAON : Pomparan ni Nababan dao do hatinggalan dibandingkon tu HAHA ANGGI SIAN TOGA SIHOMBING. Boleh di katakan POGOS.
Molo pe alani pangkuling namalobihu, alani ginjang ni roha, maradophon donganna, tapangidohon ma tu Tuhantai hasesani dosa Pomparan ni Borsak Mangatasi Nababan boru-Bere nang Ibebere asa di sesa Tuhanta Pardenggan Basai dosanta jala dilehon anak Nabisuk, anak Napistar,anak Namaju, anak Namarpangkat dohot namarkedudukan di pemerintahan.
Satolop ma tutu hatihai Pomparan ni Borsak Mangatasi Nababan/Boru-Bere nang Ibebere mangolohon/ pasauthon Partangiangan dalan mangido pasu-pasu sian Tuhanta Debata Parholongi ima naung niririt tanggal 13 Oktober 1955 di bona Pasogit. (Humbang naso adong angka ulaon manang Onan di hatihai).
Asa dung terlaksana Partangiangan ni di oloi Tuhanta do Pangidoanta jala di papatar do hasil ni Partangiangan nabinahen ni Pomparan Borsak Mangatasi Nababan Boru bere nang Ibebere. Parjolo mai sian Boru napataridahon hasilna berkedudukan di pemerintahan sada Hakim di kantor Pengadilan Sidikalang manang Kabupaten Dairi.taon demi taon laos martamba-tamba ma dilehon Tuhanta Parasirohai Pasu-pasuna nasampe adong Namarpangkat Jenderal sian Nababan dohot naung godang karejo di Pemerintahan nang dibidang Pelayanan sian hata ni Debata ditonga-tongani Huriani Tuhanta nasampe adong Sekretaris Jenderal HKBP ima sian tonga-tongani horong Boru DS. PM. Sohombing, M.Th Periode 1978 s/d 1986 dohot nagabe puncuk Pimpinan HKBP ( manang Eporus ) Pdt DR. S.A.E Nababan,LLD Periode taon 1986 s/d 1998 jala sempatdo menjabat sebagai Presiden Gereja Dunia (Bapak Gereja Dunia) di masa ngoluna.
Jala naung godang selesai sian pendidikan Perguruan Tinggi dohot angka naung karejo ima hataridaan ni hasil Partangiangan 13 Oktober 1955 i, bahkan naung adong anggoto MPR RI, Ir Leo Nababan ( 1997-1999), DPR RI, DR Capt Anthon Sihombing Nababan, Panda Nababan,Sukur Nababan,ST, Putra Nababan, dohot nahundul di DPRD, Oloan Nababan,SE, Arifin Nababan,SH dohot angka na asing, jala nagabe Bupati di Tapanuli Utara, Drs Nikson Nababan, Wabup.di Humbahas DR Oloan Paniaran Nababan,SH,MH, jala namarpangkat pe nungga tarida di pomparan Borsak Mangatasi Nababan, ima Brigjend TNI (Purn) Basri Nababan (+), Irjen Pol. Tornagogo Nababan, Brigjend.Pol. Jhon Carles Edison Nababan, Brigjend TNI (Purn) Jhon Nababan. Brigjend TNI (Purn) Sahala Nababan, dohot angka nanaeng tu jenderal laos ido nataparsitta tujoloanon.
“ Antong lam tapasada ma Rohatta pomparan ni Borsak mangatasi Nababan boru bere nang Ibebere, jala tapadao ma Ginjang di roha, tatiop ma burju ta, di bagasan Dame dohot holong nasian Tuhanta i asa lam tumajuna berkembang Pomparan Borsak mangatasi Boru-bere nang Ibebere, tu joloon tumpahon ni Tuhanta Parasiroha i.
Asa tapaunduk rohanta jala marpangalaho nadenggan mangula siulaonta asa dapot angka napinarsinta , jala nungga tangkas tabaca di latar belakang boha hita marga Nababan sebelum tahun 1955, tung maccai parir do yanggo parngoluanta, baik di Hagabeon,Hasangapon, Hasadaon,Hamoraon, tarlumobi ma di Hamajuon,i sude ala dang tasadari boha parangenta maradophon Natuatuanta, Donganta, holan ginjang ni roha do dohot parbadaan na mian di hita Nababan.on pe dihita sude Pomparan Borsak Mangatasi Nababan Boru Bere nang Ibebere asa tatinggalhon sude angka pangalaho nahurang sintong, “ Antong lam tapasada ma Rohatta tapaunduk ma dirinta asa dapot hita Hasonangan I di pomparan ni Borsak mangatasi Nababan boru bere nang Ibebere, Tumpahonni Tuhan Debata.
“Asa songon ni dok ni uppasa ma dohonon nami.” Marasar ma nina sidao-dao diatas ni Tiang, dihita Pomparan Borsak Mangatasi Nababan Boru-bere nang Ibebere, sai Tubu ma anak nabisuk siboan Dame dohot Boru sipiu sambulan”.
Hupadua hami Napuran tano-tano rangging marsirangigan, Badanta padao-dao alai Tondi tai marsigomgoman,
asa Sahat-sahat ni solu sahat mai tu bantean tiga Ras, dihita pomparan Borsak Mangatasi Nababan Boru bere nang Ibebere leleng ma hita Mangolu gabe Jala Horas.
Ima naboi napinatomu-tomu ni amanta, St.Drs Gerson Nababan/br Hutabarat. Di partangianganta Borsak Mangatasi Nababan Boru bere nang Ibebere se-Bekasi Raya yang ke 67 Tahun. Horas ……. Tuhan Memberkati.
Tabe sian Panurat molo tung adong angka nalobi hurang boi do tapadenggan tu joloan ni arion , asa lam tu dimposna sejarah singkat di hita Nababan. Mauliate.
Pinadomu-domu/pinatupa ni Drs Gerson Nababan.
Download aplikasi https://hipakad63.news untuk akses berita lebih mudah dan cepat:
Android: https://hipakad63.news
iOS: https://hipakad63.news
